محمداحمد کاظمی کو جب گرفتار کیاگیاتھا

محمداحمد کاظمی کو جب گرفتار کیاگیاتھا اس وقت پولیس نے چند دعوے کےے تھے وہ ان کاثبوت عدالت میں پیش نہیں کرسکی۔

 پولیس کا ایک دعویٰ ےہ تھا کہ سینئر صحافی محمد احمد کاظمی2011ءسے کچھ غیر ملکی افراد سے بذریعہ فون رابطے میں تھے ان میں ایرانی شہری ہوشنگ افسر ایرانی بھی تھا۔

 لیکن پولیس ان نمبروں پر ہونے والی تفصیلات عدالت میں پیش نہیں کرسکی۔ 

دوسری بات ےہ کہی گئی تھی کہ اس مبینہ حملے میں جو موٹر سائیکل برآمد کی گئی تھی وہ کالے رنگ کی ہیروہونڈا پیشن تھی

 جب کہ پولیس ریکارڈ کے مطابق واقعے کے عینی شاہد گوپال کرشن نے اپنا جو بیان ریکارڈ کرایا تھا اس میں لال رنگ بتایا تھا۔

پولیس نے گرفتاری کے بعد منعقدہ پریس کانفرنس میں ےہ دعویٰ کیا تھا کہ کاظمی کی اہلےہ کے بنک اکاونٹ میں 21لاکھ روپے بیرون ملک سے منتقل ہوئے تھے۔ جو انہیں مبینہ حملہ کرانے کے عوض فراہم کےے گئے تھے

 اس کا بھی کوئی ثبوت پیش کرنے میں پولیس ناکام رہی ۔

 اس کے علاوہ پولیس نے قرول باغ میں ہوٹل ہائی میں حملہ آوروں کے ٹھہرنے کی بات کہی تھی اور قابل اعتراض مواد کے ساتھ ساتھ دھماکہ خیز مادہ پائے جانے کا دعویٰ کیا تھا. 

 مگر افسوس کہ پولیس اپنے اس دعوے کو بھی عدالت میں ثابت کرنے میں ناکام رہی ہے ہوٹل کے رجسٹرکے مطابق ۲۶فروری کو ۳۰۵ نمبر کمرے کی کوئی بکنگ نہیں ہوئی تھی۔ 

اس کے علاوہ محمد احمد کاظمی کے بارے میں پولیس نے کہا تھا کہ انہوں نے اپنی ماروتی آلٹو سے حملہ آوروں کو سفارت خانےکے علاقے کا دورہ کرایاتھا اور ان دہشت گردوں نے ہندوستان میں تیرہ دن گزارے تھے.

 لیکن اس دعوے کے حق میں بھی پولیس عدالت میں کوئی ثبوت پیش کرنے میں ناکام رہی ہے۔